Texas yurak instituti (THI) olimlari BiVACOR kompaniyasi ko‘magida titandan yasalgan mexanik yurakni odam tanasiga transplantatsiya qilishga muvaffaq bo‘ldi. Bu haqda THI xabar berdi.
Mexanik yurak bitta harakatlanuvchi qismga ega bo‘lgan titandan tayyorlangan ikki kamerali aylanuvchi nasosni o‘z ichiga oladi. Umumiy sun’iy yurak deb ataluvchi titan nasosi magnit prinsip asosida ishlaydigan motor tufayli qon bosimini oshirib, yurakning ikkala qorinchasi funksiyalarini aniq takrorlash qobiliyati bilan ajralib turadi.
Yurak protezi daqiqasiga 12 litr qon yetkazib beradi, bu katta yoshli sog‘lom erkakning faol turmush tarzi, shu jumladan sport bilan shug‘ullanishi uchun yetarli. Shu bilan birga, olimlarning ta’kidlashicha, mexanik organdan vaqtincha foydalanish bemorga biologik yurak transplantatsiyasi o‘tkazilgunga qadar ta’minlanadi.
Tadqiqotchilar mexanik yurakni og‘ir yurak yetishmovchiligi bo‘lgan bemorlarga “transplantatsiya uchun ko‘prik” deb atashadi. Olimlar yana to‘rt nafar ko‘ngillida eksperimental transplantatsiya o‘tkazish orqali tadqiqotni davom ettirish niyatini bildirgan.
Izoh (0)