Dunyoda birinchi bo‘lib cho‘chqaning genetik modifikatsiyalangan buyragi ko‘chirib o‘tkazilgan erkak operatsiyadan taxminan ikki oy o‘tib vafot etdi. Bu haqda Massachusets kasalxonasiga tayanib, ABC News xabar berdi.
Dunyoda birinchi marta cho‘chqa buyragi ko‘chirib o‘tkazilgan Massachusetslik erkak vafot etdi... Kasalxona Slaymanning o‘limi haqida unga transplantatsiya amalga oshirilganidan ikki oy o‘tib, shanba kuni (11-may) e’lon qildi, — deyiladi xabarda.
Tibbiyot muassasasiga ko‘ra, erkakning operatsiya tufayli vafot etgani haqida hech qanday belgilar yo‘q.
16-mart kuni Massachusets kasalxonasida dunyoda birinchi bo‘lib geni o‘zgartirilgan cho‘chqa buyragini odamga ko‘chirib o‘tkazish amalga oshirildi. Hayvonning buyragi 69 ta genomik o‘zgarishlarga uchragan va transplantatsiya operatsiyasi 4 soat davom etgan. Organ 62 yoshli buyrak kasalligiga chalingan erkakka ko‘chirib o‘tkazilgan. Operatsiyadan ikki hafta o‘tib erkak kasalxonadan chiqqan.
Avvalroq cho‘chqa yuragi ko‘chirib o‘tkazilgan bemorning vafot etishi bilan bog‘liq holat kuzatilgandi. Jumladan, o‘tgan yili geni modifikatsiya qilingan cho‘chqa yuragi ko‘chirib o‘tkazilgan amerikalik Lourens Fosett eksperimental transplantatsiya operatsiyasidan olti hafta o‘tib vafot etgandi. Yurak kasalligi va boshqa avvaldan mavjud kasalliklar tufayli erkak transplantatsiya uchun inson yuragini qabul qila olmagandi.
Shifokorlarning ta’kidlashicha, a’zolarni rad etish an’anaviy inson a’zolari transplantatsiyasidagi eng jiddiy muammo, hayvonlardan odamga transplantatsiya qilishda bu yanada muhim.
Izoh (0)