Polsha tashqi ishlar vaziri o‘rinbosari Vladislav Teofil Bartoshevskiy Vengriya bosh vaziri Viktor Orbanga o‘z mamlakatini Yevropa Ittifoqi va NATOdan chiqishni va Rossiya prezidenti Vladimir Putin bilan ittifoq tuzishni taklif qildi.
Nega Vengriya o‘ziga unchalik yoqmaydigan va go‘yoki unga nisbatan yomon munosabatda bo‘lgan tashkilotlarning a’zosi bo‘lib qolishni xohlayotganini tushunmayapman. Nega Orban Vladimir Putin va shu turdagi avtoritar davlat vakillari bilan ittifoq tuzmaydi, deydi Bartoshevskiy.
Diplomat, shuningdek, Orban siyosatini “Yevropa, Ukraina va Polshaga qarshi” deb atagan.
Polshalik siyosatchi Orban hozirda Varshava tomonidan Ukrainaga berilgan harbiy texnika uchun tovon puli sifatida YIdan Polshaga to‘lanishi kerak bo‘lgan 2 milliard zlotiy (468 million yevro) mablag‘ini to‘sib qo‘yganini eslatgan.
Biz Yevropa Ittifoqida ham, NATOda ham xalqaro jamiyatning chekkasida joylashgan bosh vazir Orbandan farqli o‘laroq Rossiya bilan ish qilmaymiz, deydi Bartoshevskiy Orbanning Polshani tanqid qilganiga javoban.
Avvalroq Vengriya bosh vaziri YI va butun G‘arbning noto‘g‘ri siyosati, shuningdek, Polshaning “ikkiyuzlamachiligi”ni tanqid qilgan edi:
Polshaliklar bizni Rossiya bilan munosabatlarimiz uchun tanqid qiladilar, lekin ular Rossiya bilan vositachilar orqali ish olib boradilar.
Orban, shuningdek, AQSH sobiq prezidenti Donald Trampning harakatlarini yana bir bor olqishlagan, Rossiyani qo‘llab-quvvatlashini va Ukraina go‘yoki “Yevropa Ittifoqi yoki NATOga a’zo bo‘lmasligini” aytgan.
Izoh (0)