Apple kompaniyasi o‘z qurilmalarida sun’iy intellekt (AI) platformasi Apple Intelligence ishga tushirilishini kechiktirdi va endi uni oktyabr oyiga qadar ishga tushirishni rejalashtirmoqda, deb yozadi Bloomberg xabardor manbalarga tayanib.
Avvalroq Apple Intelligence iOS 18 va iPadOS 18 o‘rnatilgan smartfon va planshetlarda paydo bo‘lishi kutilgan edi, ular sentyabr oyida chiqariladi.
Platformaning ishga tushirilishi uning barqarorligi bilan bog‘liq xavotirlar tufayli keyinga qoldirildi.
Shu bilan birga, ishlab chiquvchilar iOS 18.1 va iPadOS 18.1 ning beta-versiyalarini sinovdan o‘tkazish doirasida shu haftada undan foydalanish imkoniyatiga ega bo‘ladilar. iOS 18.0 ni ishlab chiqish iyul oyi oxirigacha yakunlanishi rejalashtirilgan.
Apple har sentyabr oyida yangi dasturiy ta’minotga ega yangi iPhone’larni taqdim etadi. Operatsion tizim do‘konlarga jo‘natishdan oldin qurilmalarga o‘rnatilishi uchun bir necha hafta oldin tayyor bo‘lishi kerak.
Kompaniya iyun oyida o‘zining dasturchilar konferensiyasida Apple Intelligence haqida e’lon qildi. Shu bilan birga, u bu yil o‘z qurilmalariga ChatGPT chatbotini qo‘shishini ma’lum qilgan.
Izoh (0)