Uill Smit millionlab dollarlarini nimaga sarflaydi: mashhur aktyorning 10 ta asosiy xarajati

Uill Smit — kinoaktyor, prodyuser, qo‘shiqlar muallifi va reper — qanday qilib pul ishlashni biladi: uning boyligi 300 million dollarga baholanadi. Smit imperiyasi va uning oilasi gullab-yashnashi ajablanarli emas. Biroq bu odam nafaqat katta pul topishni, balki uni katta miqyosda sarflashni ham yaxshi ko‘radi.

1. Orzudagi uy

Uill Smit va Jada Pinkett Smit barchaga haqiqiy orzudagi uyi qanday bo‘lishini ko‘rsatdi. Ularning Kaliforniyaning Kalabasas shahridagi 42 million dollarlik saroyi shunchalik ulkanki, uyning pochta indeksi bor. Hududda basketbol va tennis kortlari, golf maydoni, suzish havzasi, ko‘l bor. Uyda, boshqa narsalar qatorida, katta uy kinoteatri, meditatsiya xonasi va Jadaning tok-shousini suratga olish uchun studiya ham mavjud.

2.Avtomobillar kolleksiyasi

Ekranda Uill Smit tez-tez fantastik avtomobillarini haydab ko‘rishiga qaramay, real hayotda u klassikalarni va avtomobil kolleksiyasiga sarmoya kiritishni yaxshi ko‘radi. Unda 1965-yilda ishlab chiqarilgan Cadillac Escalade, Bentley Azure va qizil Ford Mustang kabriolet, Mercedes Benz GL450, Maybach 57, Ford Taurus va boshqa markalar mavjud.

3. G‘ildirak ustidagi uy

Ko‘chma uylar va ularning kichik sig‘imlari haqida avvalgi narsalarni unuting. Uill Smit 2,5 million dollarga 130 kvadrat metrli mobil uy sotib olgan. Avtomobil-uy eng so‘nggi texnologiyalar bilan jihozlangan va butun oila qulay yashashi uchun zarur bo‘lgan hamma narsaga ega. Uyda televizorning o‘zidan 14 ta bor, qolganini tasavvur qilavering. Ba’zan aktyor bu uyni haftasiga 9000 dollarga ijaraga beradi.

4. Xayriya

Uill va uning rafiqasi kam ta’minlangan bolalarga yordam berish, yoshlar uchun ta’lim loyihalarini moliyalashtirish va shahar ichidagi jamoalarni rivojlantirish uchun “Oila” jamg‘armasini yaratgan. 2017-yilda ular Karib dengizidagi dovuldan jabrlangan oilalarga yordam berishgan. Uill Smit, shuningdek, qiyin paytlarda do‘stlariga ko‘mak berishi bilan tanilgan.

5. Bolalari uchun sovg‘alar

Uill Smit ham boshqa mehribon ota-onalardan farq qilmaydi: u uchta farzandini yaxshi ko‘radi va ularga tez-tez qimmatbaho sovg‘alar olib beradi. Misol uchun, Uillou Smit otasining uylaridan birida yashaydi va shuningdek, sovg‘a sifatida Porsche Cayenne Turbo olgan. Jaydenga otasi Tesla Model X va bir nechta dizaynerlik kiyimlarini sovg‘a qilgan. Aytish mumkinki, Trey Smit ham bu borada quruq qolmaydi. Ammo Smitning bolalari otasining pulini sovuradigan tekinxo‘r emas. Ularning barchasi aktyor va o‘zlari allaqachon yaxshigina pul topishadi.

6. Xususiy samolyot ijarasi

Uill Smit ekonom-klassda uchishni yoqtirmaydi – u yer tor va taomlari unchalik mazali emas. Shunday qilib, agar birinchi klassda uchish imkoni bo‘lmasa, u muammoga duch kelmaslik uchun shaxsiy samolyot ijaraga oladi. Misol uchun, 2011-yilda u Dublindan Manchesterga 50 daqiqalik parvoz uchun samolyot ijaraga oladi. Bu kichik hashamat uchun u taxminan 12 000 dollar sarflaydi.

7. Basketbol jamoasi

2011-yilda Smit NBAning “Filadelfiya Sevent Siksers” jamoasining bir qismini sotib oladi. Aytgancha, Filadelfiya uning tug‘ilgan shahri. Bitim miqdori oshkor etilmagan.

8. Telepool kompaniyasi

2018-yilda Uill Smit va direktor Mark Forster Germaniyaning Group Telepool kompaniyasini sotib oladi. Hamkorlar kelishuv miqdorini oshkor qilishmaydi, biroq gap Yevropadagi eng qadimgi va eng yirik kino litsenziyalash kompaniyalaridan biri haqida ketayotgani uchun uning narxi past bo‘lishi mumkin emas. “Mark va men Telepool’ni diqqat bilan ko‘rib chiqdik va aqlbovar qilmaydigan obro‘ga va katta salohiyatga ega kompaniya topdik, — deydi Uill Smit. — Biz Telepool jamoasi bilan biznesni strategik rivojlantirish uchun noyob imkoniyatlar va kontent yaratish uchun hamkorlik qilish va ishlashni intiqlik bilan kutamiz”.

9. Shaxsiy kinostudiya

Uill Smit son-sanoqsiz blokbasterlarda rol o‘ynagan, lekin ayni paytda o‘zining film ishlab chiqarishiga sarmoya kiritgan. 1997-yilda Jada Smit va Jeyms Lassiter bilan hamkorlikda Overbrook Entertainment kompaniyasiga asos solgan. Kompaniya tomonidan “Xitch metodi”, “Baxt ortidan quvib”, “Men afsonaman”, “Henkok” va “Asalarning sirli hayoti” kabi filmlar ishlab chiqarilgan. Bu filmlarning deyarli barchasida Smit bosh rolni o‘ynaydi.

10. Yosh tadbirkorlarga yordam

Aktyor Dreamers venchur kapital fondiga egalik qiladi va o‘zi ishongan loyihalarga yordam berish uchun startaplarga sarmoya kiritadi. Bu yil, masalan, u o‘smirlarga an‘anaviy bank to‘lovlarini to‘lamasdan pul jo‘natish va qabul qilish imkonini beruvchi Step onlayn bankiga sarmoya kiritdi. Sarmoya miqdori oshkor etilmagan, biroq Step 22 million dollar yig‘ishga muvaffaq bo‘lgani ma’lum.