Turk shou-biznes olamidagi yangiliklarni o‘tkazib yuborgan muxlislar uchun iyul oyining boshida mashhur aktyor va aktrisalar hayotida bo‘lib o‘tgan eng qiziqarli xabarlarni to‘pladik.
Turkiya OAVlari Alina Bozning homilador ekanini aytmoqda
O‘tgan haftaning eng muhim yangiliklaridan biri — “Parilar ertagi”, “Qo‘limni qo‘yib yuborma” kabi filmlari bilan mashhurlikka erishgan aktrisa Alina Boz va uning turmush o‘rtog‘i Umutga tegishli bo‘ldi. Turk paparatssilari tomonidan suratga olingan va ijtimoiy tarmoqlarda tarqalib ketgan suratlarga ko‘ra, yosh oila farzand kutmoqda.
Yulduzli juftlik hozircha buni rasman tasdiqlamadi, ammo ba’zi muxlislar fikriga ko‘ra, Alina Bozni shunchaki noto‘g‘ri rakursdan suratga olishgani sababli biroz to‘lishgandek ko‘ringan.
Ilhan Shen “Bosh qahramon” filmida suratga tushishdan bosh tortdi
“Sapfir” va “Sevgi. Ong. Qasos” teleseriallarining yulduzi Ilhan Shen Gollivuddan yangi loyiha taklifini qabul qilgani uchun “Bosh qahramon” filmida suratga tushishdan voz kechishga majbur bo‘ldi. Mish-mishlarga ko‘ra, Ilhan xalqaro platforma uchun xorijiy serialga taklif qilingan. Bo‘lajak loyiha haqida hozircha tafsilotlar mavjud emas.
Hakan Sabanji Cheshme shahridagi Hande Erchel yoniga yetib keldi
Juma kuni Hakan Sabanji Chemsheda “Uni shamolga qoldiring” filmida suratga tushayotgan sevgilisi Hande Erchelning oldiga kelgani ma’lum bo‘ldi. Juftlik dam olish kunlarini Alachati kurort shaharchasida birga vaqt o‘tkazishni rejalashtirgan. “Qalbim eshigini qoq” yulduzining muxlislari Hande uchun chin dildan xursand bo‘lishdi, chunki Hakan qallig‘i uchun o‘z ishlarini tashlab, uning yonida ko‘proq vaqt o‘tkazishga qaror qilgan.
“Meni tingla” seriali asosida to‘liq metrajli film suratga olinishi mumkin
2022-yilda Turkiyada suratga olingan “Meni tingla” seriali syujeti to‘liq ochib berilgani uchun loyihani yana bir mavsumga uzaytirish fikridan qaytilgan edi. Qolaversa, serialda suratga tushgan aksariyat aktyorlar o‘rtasida bir necha bor nizolar sodir bo‘lgan.
Yaqinda “Meni tingla” serialining rasmiy sahifasida so‘rovnoma o‘tkazildi. Unda muxlislardan serial asosida yangi film suratga olish masalasiga qanday qarashi so‘raldi. 89 foizdan ortiq ijobiy javobdan so‘ng, o‘ylaymizki, yaratiladigan yangi film taqdirini belgilab berdi.
Kerem Bursin ishtirokidagi “Boyning o‘g‘li” filmining suratga olish ishlari boshlandi
Turkiyada Kerem Bursin ishtirokida Rossiyaning “Xolop” filmining remeyki ustida ish boshlandi. Loyihada “Qalbim eshigini qoq” yulduzi Melisa Dongel ham qatnashadi — unga Aglaya roli berilgan.
Hande Erchel va Hakan Sabanji o‘zlarining baxli munosabatlar siri haqida so‘zlab berdi
Hande Erchel “InStyle” jurnaliga bergan intervyusida shaxsiy hayoti haqida ko‘plab ma’lumotlarni o‘rtoqlashdi va bugungi kundagi baxtiyor munosabatlari mavzusiga to‘xtalib o‘tdi. Aktrisa so‘zlariga ko‘ra, ikki inson bir-birining shaxsiy chegaralarini hurmat qilishi, har bir ishda qo‘llab-quvvatlashi, bir-birining erkinligini cheklamasligi kabi omillar munosabatlar mustahkam bo‘lishiga yordam beradi.
“Qog‘oz uy” serialining yulduzi Luka Perosh “Mehmet: zabt etuvchi” serialida suratga tushadi
Turkiya va Ispaniya davlatlar o‘zaro hamkorlik doirasida yangi loyihani boshladi. “Mehmet: zabt etuvchi” tarixiy serialida Marsel (“Qog‘oz uy”) roli bilan tomoshabinlarga tanilgan aktyor Luka Perosh ishtirok etadi. Bu haqda bosh rol ijrochisi Serkan Chayo‘glu xabar berdi
“Loyiha boshlanishidan avval juda ham hayajondamiz. Garchi biz kadrlarda muntazam birga chiqmasak-da, ish faoliyati davomida doimo birga bo‘lamiz. Jahon miqyosidagi aktyorlar bilan ishlash biz uchun sharafdir”, — deydi aktyor.
Burak O‘zchivit va Fahriye Evjen Bodrumdagi yangi villasini ta’mirdan o‘tkazmoqda
Burak O‘zchivit mahalliy OAVga bergan intervyusida oilasi bilan Bodrumdagi yangi uyga ko‘chib o‘tgani, endilikda ayoli va farzandlariga yanada keng va kattaroq uy kerakligi, chunki uning oilasi “kengayib borayotgani”ni aytib o‘tgan edi. Hozirda yulduzli oila yangi uyning ta’mirlash ishlari bilan band.
Izoh (0)