Vazirlar Mahkamasining “O‘zbekiston Respublikasi Madaniyat vazirligi huzuridagi Madaniyatshunoslik va nomoddiy madaniy meros ilmiy-tadqiqot instituti faoliyatini tashkil etish to‘g‘risida”gi qarori qabul qilindi.
Prezident farmoniga muvofiq Respublika madaniyat muassasalari faoliyatini tashkil etish ilmiy-metodik markazi Madaniyat vazirligi huzuridagi Madaniyatshunoslik va nomoddiy madaniy meros ilmiy-tadqiqot instituti etib qayta tashkil etilgandi.
Institut oldiga quyidagi vazifalar qo‘yildi:
- nomoddiy madaniy merosni har tomonlama muhofaza qilish;
- keng jamoatchilikni jalb etgan holda uning namunalarini aniqlash;
- nomoddiy madaniy merosni muhofaza qilish bo‘yicha xalqaro ro‘yxatlar va reyestrlarga kiritish;
- nomoddiy madaniy merosni raqamlashtirish, targ‘ib qilish va saqlash bo‘yicha yangi tashabbuslar va loyihalarni amalga oshirish.
Quyidagilar institut faoliyatini moliyalashtirish manbalari etib belgilandi:
- byudjet mablag‘lari;
- ilmiy faoliyatga oid dasturlarni amalga oshirish uchun Oliy taʼlim, fan va innovatsiyalar vazirligi tomonidan o‘tkaziladigan tanlovlar natijalari bo‘yicha ajratiladigan byudjet mablag‘lari;
- Madaniyat vazirligining byudjetdan tashqari jamg‘armasi mablag‘lari;
- xalqaro moliya institutlari va boshqa xorijiy tashkilotlarning grantlari;
- respublika ilmiy-tadqiqot loyihalari grantlari;
- xo‘jalik faoliyatidan hamda shartnoma asosida tadqiqotlar o‘tkazishdan tushadigan tushumlar;
- qonunchilik hujjatlari bilan taqiqlanmagan boshqa manbalar.
Hujjat Qonun hujjatlari maʼlumotlari milliy bazasida eʼlon qilingan va 2024-yil 29-iyundan kuchga kirdi.
Avvalroq Buxoroda yodgorliklarni ta’mirlashga ajratilgan 3,3 milliard so‘m talon-toroj qilingani, Namangandagi arxeologiya yodgorligi hududida uy qurish uchun qabrlar buzilib, 6,9 milliard so‘m zarar yetkazilgani to‘g‘risida xabar berilgandi.
Izoh (0)