Вазирлар Маҳкамасининг “Ўзбекистон Республикаси Маданият вазирлиги ҳузуридаги Маданияцҳунослик ва номоддий маданий мерос илмий-тадқиқот институти фаолиятини ташкил этиш тўғрисида”ги қарори қабул қилинди.
Президент фармонига мувофиқ Республика маданият муассасалари фаолиятини ташкил этиш илмий-методик маркази Маданият вазирлиги ҳузуридаги Маданиятшунослик ва номоддий маданий мерос илмий-тадқиқот институти этиб қайта ташкил этилганди.
Институт олдига қуйидаги вазифалар қўйилди:
- номоддий маданий меросни ҳар томонлама муҳофаза қилиш;
- кенг жамоатчиликни жалб этган ҳолда унинг намуналарини аниқлаш;
- номоддий маданий меросни муҳофаза қилиш бўйича халқаро рўйхатлар ва реестрларга киритиш;
- номоддий маданий меросни рақамлаштириш, тарғиб қилиш ва сақлаш бўйича янги ташаббуслар ва лойиҳаларни амалга ошириш.
Қуйидагилар институт фаолиятини молиялаштириш манбалари этиб белгиланди:
- бюджет маблағлари;
- илмий фаолиятга оид дастурларни амалга ошириш учун Олий таълим, фан ва инновациялар вазирлиги томонидан ўтказиладиган танловлар натижалари бўйича ажратиладиган бюджет маблағлари;
- Маданият вазирлигининг бюджетдан ташқари жамғармаси маблағлари;
- халқаро молия институтлари ва бошқа хорижий ташкилотларнинг грантлари;
- республика илмий-тадқиқот лойиҳалари грантлари;
- хўжалик фаолиятидан ҳамда шартнома асосида тадқиқотлар ўтказишдан тушадиган тушумлар;
- қонунчилик ҳужжатлари билан тақиқланмаган бошқа манбалар.
Ҳужжат Қонун ҳужжатлари маълумотлари миллий базасида эълон қилинган ва 2024 йил 29 июндан кучга кирди.
Аввалроқ Бухорода ёдгорликларни таъмирлашга ажратилган 3,3 миллиард сўм талон-торож қилингани, Намангандаги археология ёдгорлиги ҳудудида уй қуриш учун қабрлар бузилиб, 6,9 миллиард сўм зарар етказилгани тўғрисида хабар берилганди.
Изоҳ (0)