Toshkent viloyati prokuraturasi organlari tomonidan Boshqaruv servis kompaniyalarining majburiy badal to‘lovlarida yuzaga kelgan debitor qarzdorliklarni qisqartirish maqsadida tuzilgan hududiy shtablar tomonidan 36,7 milliard so‘m qarzdorlik undirildi. Bu haqda Bosh prokuratura matbuot xizmati xabar berdi.
Shuningdek, 15,1 milliard so‘m qarzdorlik noreal deb topilib, hisobdan chiqarilgan hamda 63,2 milliard so‘mlik qarzdorliklarni undirish yuzasidan sudlarga arizalar kiritilgan.
Bundan tashqari, elektr taqsimlash qutisi (“shit”lar) va undagi simlarni to‘liq taʼmirlash uchun sarflanishi belgilangan xarajatlar 55,8 milliard so‘mdan 24,1 milliard so‘mga qisqartirilishiga erishilgan, 31,7 milliard so‘m iqtisod qilinishi taʼminlangan.
Nazorat tadbirlarida aniqlangan qo‘pol qonunbuzilish holatlari yuzasidan 8 ta jinoyat ishlari qo‘zg‘atilib, tergov harakatlari davomida aniqlangan zararni undirish choralari ko‘rilmoqda.
Avvalroq O‘zbekistonda joriy yil I chorak yakuni holatiga respublika bo‘yicha debitor qarzdorlik jami 979,9 milliard so‘mni tashkil etayotgani to‘g‘risida xabar berilgandi.
Izoh (0)