Тошкент вилояти прокуратураси органлари томонидан Бошқарув сервис компанияларининг мажбурий бадал тўловларида юзага келган дебитор қарздорликларни қисқартириш мақсадида тузилган ҳудудий штаблар томонидан 36,7 миллиард сўм қарздорлик ундирилди. Бу ҳақда Бош прокуратура матбуот хизмати хабар берди.
Шунингдек, 15,1 миллиард сўм қарздорлик нореал деб топилиб, ҳисобдан чиқарилган ҳамда 63,2 миллиард сўмлик қарздорликларни ундириш юзасидан судларга аризалар киритилган.
Бундан ташқари, электр тақсимлаш қутиси (“шит”лар) ва ундаги симларни тўлиқ таъмирлаш учун сарфланиши белгиланган харажатлар 55,8 миллиард сўмдан 24,1 миллиард сўмга қисқартирилишига эришилган, 31,7 миллиард сўм иқтисод қилиниши таъминланган.
Назорат тадбирларида аниқланган қўпол қонунбузилиш ҳолатлари юзасидан 8 та жиноят ишлари қўзғатилиб, тергов ҳаракатлари давомида аниқланган зарарни ундириш чоралари кўрилмоқда.
Аввалроқ Ўзбекистонда жорий йил I чорак якуни ҳолатига республика бўйича дебитор қарздорлик жами 979,9 миллиард сўмни ташкил этаётгани тўғрисида хабар берилганди.
Изоҳ (0)