Ko‘ngil ochadigan, kayfiyatingizni ko‘taradigan va fikrlash uchun ozuqa beradigan eng yaxshi qadrdon filmlar ro‘yxati bilan tanishing.
“Balki bu abadiydir”, (2019)
- Rejissyor: Nahnatchka Xan
- Rollarda: Ali Vong, Rendall Park, Jeyms Sayto, Mishel Byuto, Vivian Bang, Kianu Rivz
Bolalikdagi ikki do‘st 15 yildan keyin uchrashadi va ular orasida yana muhabbat uchqunlaydi. Qiz muvaffaqiyatli bosh oshpaz, yigit esa hali ham ona shahrida yashaydigan havaskor musiqachi.
“Kelajakdan kelgan yigit”, (2013)
- Rejissyor: Richard Kertis
- Rollarda: Donal Glison, Reychel Makadams, Bill Nayi, Tom Hollander, Margo Robbi
Mazkur film har bir lahzani qadrlash va eng oddiy narsalardan ham go‘zallikni ko‘rish mumkinligi haqida. Syujet vaqt sayohati konsepsiyasiga asoslangan, ammo u mutlaqo noodatiy tarzda amalga oshiriladi.
“Dik va Jeyn”, (2005)
- Rejissyor: Din Parisot
- Rollarda: Jim Kerri, Tea Leoni, Alek Bolduin, Richard Jenkins, Angi Harmon
Filmda yirik korporatsiyaning yuqori lavozim xodimi Dik (Kerri) kompaniya o‘zini bankrot deb e’lon qilishidan bir necha soat oldin yanada katta lavozimga ko‘tariladi. Uning rafiqasi Jeyn (Tea Leoni) vaqtini farzandi va oilasiga bag‘ishlash uchun ishdan bo‘shagandi. Ishlaridan ayrilgan er-xotin qanday qilib bo‘lsa ham yashab qolishga harakat qiladi va keyin firibgarlik sxemalariga aralashib qoladi.
“Chin muhabbat” (2003)
- Rejissyor: Richard Kertis
- Rollarda: Xyu Grant, Bill Nayi, Liam Nison, Emma Tompson
Barcha davrlarning eng yaxshi romantik filmlaridan biri. Film qahramonlari orasida kotibasiga oshiq bo‘lgan yosh bosh vazir, do‘stining go‘zal qallig‘ini sevib qolgan yigit va muhabbatdan hafsalasi pir bo‘lgan yolg‘iz yozuvchi ham bor. Ularning hikoyalari bir-biriga bog‘liq va bir vaqtning o‘zida bir-biridan mustaqil ravishda rivojlanadi.
“13 dan 30 gacha” (2004)
- Rejissyor: Gari Vinik
- Rollarda: Jennifer Garner, Mark Ruffalo, Judi Grir, Endi Serkis
-OO48WcOF-eF31Q4lS.jpg)
1987-yilda yashovchi 13 yoshli Jenna tezroq katta bo‘lishni xohlaydi. U 30 yoshli go‘zal qiz bo‘lishni orzu qiladi va qizning bu orzusi amalga oshadi. Qahramon 2004-yilda mashhur jurnalning go‘zal muharriri sifatida uyg‘onadi va bolalikdagi do‘stini sevib qoladi.
“Ogohlantirib sevish” (2003)
- Rejissyor: Mark Lourens
- Rollarda: Sandra Bullok, Hyu Grant, Alisiya Vitt, Dana Ivey, Robert Klein
-GMSCdy-p-pWuyfKvl.jpg)
Yosh Hyu Grant va Sandra Bullokning hayajonli dueti. O‘zi va atrofidagilariga nisbatan talabchan Lyusi ismli bosh qahramon nufuzli yuridik korporatsiyada bosh maslahatchi lavozimidan ketishga qaror qiladi. Buning sababi shundaki, u xo‘jayiniga “enagalik qilish”dan juda charchagan — rahbari usiz bir qadam ham bosa olmaydi. Yordamchisiga maftun bo‘lgan millioner Jorj Lyusini ishdan bo‘shatishga rozi, faqat bir shart bilan: Lyusi ikki hafta ichida o‘rniga boshqa xodim topishi kerak. Bunday odamni topish oson emas, Jorj ham o‘zining sodiq yordamchisisiz qolishni istamaydi.
“Yigitim — telba” (2012)
- Rejissyor: Devid O. Rassell
- Rollarda: Bredli Kuper, Jennifer Lourens, Robert De Niro, Jeki Uiver, Kris Taker
Filmda Bredli Kuper bipolyar buzilish tashxisi qo‘yilgan odamni o‘ynaydi, u sakkiz oy ruhiy shifoxonada bo‘lganidan keyin hayotini tiklashga va xotinini qaytarishga harakat qiladi. Bir muncha vaqt u havaskor raqs tanlovida ishtirok etish evaziga oilasini tiklashga yordam berishga va’da bergan yosh beva ayol (Jennifer Lourens) bilan uchrashib yuradi. Bir-biriga hayotdan ma’no topishga yordam beradigan ikki yaralangan qalb haqidagi dramatik komediya.
“Parijdagi yarim tun” (2011)
- Rejissyor: Vudi Allen
- Rollarda: Ouen Uilson, Marion Kotilyar, Reychel Makadams, Maykl Shin, Keti Beyts
Vaqtlararo sayohatni o‘z ichiga olgan Reychel MakAdamsning yana bir filmi. Bosh qahramon yosh yozuvchi (Ouen Uilson) qallig‘i va uning ota-onasi bilan Parijga keladi va tungi Parij xayollariga berilib ketadi. U tom ma’noda o‘tmishga sho‘ng‘iydi va kumirlari — Heminguey, Pikasso, Dali, Bunuel, Gertruda Shtayn va boshqalar bilan uchrashadi.
“Paddingtonning sarguzashtlari” (2014)
Rejissyor: Pol King
Rollarda: Ben Uishou, Nikol Kidman, Xyu Bonnevil, Salli Xokins, Juli Uolters
Ushbu oilaviy komediya, albatta, sizning oqshomingizni maroqli o‘tishini taʼminlaydi. Bir kuni gapirishni biladigan ayiq Perudan Angliyaga keladi. Vokzalda u Braunlar oilasi bilan tanishib qoladi va oila jonivorni uyiga olib ketadi. Paddingtonni yangi va qiziqarli hayot kutayotganga o‘xshardi, ammo to‘satdan taksidermist bo‘lib ishlaydigan ayol undan muzey uchun eksponat sifatida foydalanmoqchi bo‘ladi.
“Vegasdagi bo‘ydoqlik bazmi”, (2009)
- Rejissyor: Todd Fillips
- Rollarda: Bredli Kuper, Ed Xelms, Zak Galifianakis, Jastin Barta, Xezer Grem
Uch qadrdon do‘st Vegasda unutilmas bo‘ydoqlik kechasini o‘tkazishni rejalashtiradi. Ammo ertalabgacha davom etgan bazmdan so‘ng, ular nimalar qilishganini eslasholmaydi: mehmonxona xonasidagi shkafda o‘tirgan bolakay kimniki? Qanday qilib yo‘lbars hammomga kirib qolgan? Nima uchun ulardan birining tishi singan? Va, eng muhimi, kuyov qayerga ketdi?
Izoh (0)