“Jinoiy asar”, “Kerri”, “Yuzsiz” filmlaridagi rollari bilan Gollivuddagi eng talabgir aktyorlardan biriga aylangan Jon Travolta bir necha yillik tajribaga ega professional uchuvchidir. U ilk bor 22 yoshida turli havo kemalari uchuvchisi sertifikatini olgan.
70 yoshga to‘lgan aktyor bugun ham samolyot va vertolyotni a’lo darajada boshqaradi. Bir necha kun avval Travolta mutaxassisligi bo‘yicha o‘z malakasini rasman oshirdi. Aktyor o‘zini parvoz simulyatori kabinasida videotasvirga oldi va kadrlarni muxlislari bilan bo‘lishdi.
Mashg‘ulot paytida Travolta ikkita dvigatel ishdan chiqqan taqdirda nima qilish kerakligini mashq qildi.
Malaka oshirish darsida uchta dvigateldan ikkitasi “ishdan chiqariladi”. Men har yili reaktiv samolyotni boshqarish bo‘yicha malaka oshirish kurslaridan o‘tishim kerak, — dedi aktyor ijtimoiy tarmoqdagi videoda.
Travolta parvoz vaqtida favqulodda xavfli vaziyatlarga ham tushgan. 1992-yilda u barcha oila a’zolari bilan uchib ketayotgan vaqtda samolyotning elektr quvvat manbai ishdan chiqqan, ammo aktyor bunday vaziyatda o‘zini yo‘qotmagan va xavfli vaziyatdan chiqishga muvaffaq bo‘lgan.
Umri davomida Jon Travolta reaktiv samolyotlarni boshqarishga doir sakkizta litsenziyaga ega bo‘ldi va aktyorning kamida yettita shaxsiy samolyoti mavjud.
Izoh (0)