Rossiyadan qochgan siyosatchilar Vashingtondagi NATO sammitida mamlakatdagi vaziyatni kuch bilan beqarorlashtirish uchun Kremlga qarshi terrorchilik rejasini tayyorlamoqda, deya Times xabar berdi.
Rossiyaning sobiq deputatlari NATOni qotillik kampaniyasini qo‘llab-quvvatlashga chaqirdi, — deya ta’kidlaydi nashr.
Xabarga ko‘ra, “Kremlni ag‘darish”ning yetti banddan iborat rejasi shu hafta Varshavadagi yig‘ilishda 60 dan ortiq surgundagi siyosatchilar tomonidan muhokama qilingan. Muhokama G‘arbni Rossiyaga qarshi ko‘proq sanksiyalar qo‘llash, vaziyatni beqarorlashtirish bo‘yicha harakatlarni qo‘llab-quvvatlash va Ukrainaga ko‘proq qurol yetkazib berish haqidagi chaqiriqlarni o‘z ichiga olgan.
Gap davlat amaldorlarini o‘ldirish, ularni kuch bilan o‘zgartirishga urinish kabi jinoyatlar haqida bormoqda.
Nashrning ta’kidlashicha, ushbu taklif kelasi oy boshida Vashingtonda bo‘lib o‘tadigan NATOning 75-sammitida taqdim etiladi.
Times’ga ko‘ra, reja ortida turgan sobiq deputatlar, shu jumladan, Ilya Ponomaryev (xorijiy agent funksiyalarini bajaruvchi jismoniy shaxs), “Rossiya ozodlik legioni” tashkiloti va avvalroq rossiyalik siyosatshunos Darya Dugina va harbiylarning o‘limi uchun mas’uliyatni o‘z zimmasiga olgan Milliy Respublika armiyasi guruhiga aloqador.
- Ponomaryev 2014-yilda unga nisbatan davlat mablag‘larini o‘zlashtirish aybi bilan jinoyat ishi qo‘zg‘atilganidan so‘ng Rossiyadan qochib ketgan. Avvaliga AQSHga, keyin esa Ukrainaga borib, u yerda vaqtinchalik yashash uchun ruxsatnoma, keyin esa fuqarolik olgan.
2022-yilda u Rossiyada qidiruvga berilgan va armiya haqida soxta xabar tarqatgani uchun sirtdan hibsga olingan. FXX Ponomaryevga qarshi dushman tomoniga o‘tish va terroristik tashkilotda ishtirok etish ko‘rinishidagi xiyonat bo‘yicha jinoiy ish qo‘zg‘atgan.
Izoh (0)