Rossiya prezidenti Vladimir Putin 2023-yildan beri ochiq havoda o‘tkaziladigan ommaviy tadbirlarda o‘q o‘tkazmaydigan jilet kiyib yurishi ma’lum qilindi. Bu haqda rossiyalik ikki rasmiy va Kremlga yaqin manbaga tayanib, The Moscow Times xabar berdi.
Putinni shaxsan bir necha bor ko‘rgan amaldorlardan biri u Federal va prezident xavfsizlik xizmati tavsiyasiga asosan o‘q o‘tkazmaydigan jilet kiyishni boshlaganini ma’lum qildi.
“Bu yilgi (2024-yil) 9-may kuni paradida u aniq o‘q o‘tkazmaydigan jilet kiygandi. Menimcha, mazkur ehtiyot chorasi to‘g‘ri hisoblanadi”, — deydi parad paytida Qizil maydonda bo‘lgan rossiyalik amaldor.
Britaniyalik xavfsizlik bo‘yicha maslahatchi Jeyd Miller Rossiya prezidentining paraddagi harakatlari aks etgan video tasvirlarni o‘rganib, u haqiqatan ham himoya jileti kiygan, degan xulosaga keldi.
“Ko‘rinib turibdiki, Putinning paltosida tugmalar mahkam o‘tkazilgan va prezident platosi tagida nimadir ko‘rinayotgani yoki yo‘qligiga amin bo‘lish uchun bir necha bor tugmalarini tekshirgan. Professional fikrimcha, Putin paradda ishtirok etayotganda qandaydir ballistik himoya vositasini kiygan”, — deya xulosa qilgan Miller.
Izoh (0)