Rossiyada yaqinda Rossiya fuqaroligini olgan, ammo harbiy ro‘yxatdan o‘tmagan 30 mingdan ortiq sobiq muhojirlar aniqlangan. Ularning barchasi majburiy ro‘yxatga olingan va allaqachon 10 mingga yaqini Ukrainaga qarshi urushga jo‘natildi.
Huquq-tartibot idoralari konstitutsiya va qonunlarimiz qoidalarini amalga oshirishga kirishdi. Ular bizga: “Bu migrantlar nima uchun kerak?” deyishadi. Xandaqlar qazish va istehkomlar yaratish uchun. Bu haqiqatan ham yaxshi ishchilarni talab qiladi. Bugun ular orqa bo‘linmalarimiz safiga qo‘shilmoqda, — deydi Rossiya Tergov qo‘mitasi raisi Aleksandr Bastrikin.
Bastrikin, shuningdek, bu amaliyotni muhojirlar asta-sekin Rossiyani tark etishiga olib keladigan “maxsus usul” deb atagan.
Aleksandr Bastrikinning fikricha, muhojirlarni ishlashga jalb qilishda milliy xavfsizlik masalalariga amal qilish kerak. U, eng muhimi, Rossiyaning migratsiya siyosatini o‘zgartirish, zaruratni aniq asoslash va hatto ichki resurslardan foydalangan holda siyosiy, iqtisodiy, milliy va boshqa muammolarni hal qilish uchun buni amalga oshirish kerakligni ta’kidlagan.
Rossiya xavfsizlik kuchlari mehnat muhojirlari ishlayotgan korxonalarda muntazam reydlar o‘tkazadi, — deb yozadi Rossiya OAV.
Qoida tariqasida, ularning nishonlari yaqinda Rossiya fuqaroligini olgan, ammo harbiy xizmat uchun ro‘yxatdan o‘tmagan harbiy yoshdagi erkaklardir. Ularni Ukrainaga urushga jo‘natmoqchi bo‘lib, agar rad etsalar, deportatsiya qilish bilan tahdid qilishmoqda. O‘z navbatida, Rossiya fuqaroligi bo‘lmagan muhojirlarga Rossiya Mudofaa vazirligi bilan shartnoma imzolash evaziga tezda Rossiya pasporti berilishi va’da qilingan.
Izoh (0)