Yevropa Ittifoqi va Ukraina xavfsizlik kafolatlari bo‘yicha kelishuv imzoladi. Bu haqda Ukraina OAV ma’lum qildi.
Qayd etilishicha, Ukraina prezidenti Vladimir Zelenskiy Yevrokomissiya rahbari Ursula fon der Lyayen va Yevropa kengashi prezidenti Sharl Mishel bilan hujjat imzolagan.
Bundan tashqari, Estoniya va Litva bilan ham xavfsizlik shartnomalari imzolandi.
Bugun tongda Yevropa Kengashi prezidenti Sharl Mishel Yevropa Ittifoqi sammiti oldidan bayonot berib, xavfsizlik kelishuvi Ukrainani uzoq muddatli qo‘llab-quvvatlashni kafolatlashini aytdi.
"Bu juda muhim kelishuv, chunki bu biz Ukrainani kerak bo'lganda qo'llab-quvvatlashga tayyorligimizni bildiradi", — dedi u.
Eslatib o‘tamiz, Ukraina prezidenti Vladimir Zelenskiy Bryusselga tashrif buyurib, u yerda xavfsizlik bo‘yicha ikki tomonlama uchta shartnoma imzolashi ko‘zda tutilgan.
Shu kungacha Ukraina Yevropaning 16 davlati va AQSh bilan xavfsizlik kafolatlari bo‘yicha shartnomalar tuzgan.
Izoh (0)