Россиядан қочган сиёсатчилар Вашингтондаги НАТО саммитида мамлакатдаги вазиятни куч билан беқарорлаштириш учун Кремлга қарши террорчилик режасини тайёрламоқда, дея Times хабар берди.
Россиянинг собиқ депутатлари НАТОни қотиллик кампаниясини қўллаб-қувватлашга чақирди, — дея таъкидлайди нашр.
Хабарга кўра, “Кремлни ағдариш”нинг етти банддан иборат режаси шу ҳафта Варшавадаги йиғилишда 60 дан ортиқ сургундаги сиёсатчилар томонидан муҳокама қилинган. Муҳокама Ғарбни Россияга қарши кўпроқ санкциялар қўллаш, вазиятни беқарорлаштириш бўйича ҳаракатларни қўллаб-қувватлаш ва Украинага кўпроқ қурол етказиб бериш ҳақидаги чақириқларни ўз ичига олган.
Гап давлат амалдорларини ўлдириш, уларни куч билан ўзгартиришга уриниш каби жиноятлар ҳақида бормоқда.
Нашрнинг таъкидлашича, ушбу таклиф келаси ой бошида Вашингтонда бўлиб ўтадиган НАТОнинг 75-саммитида тақдим этилади.
Timesъга кўра, режа ортида турган собиқ депутатлар, шу жумладан, Илья Пономарев (хорижий агент функцияларини бажарувчи жисмоний шахс), “Россия озодлик легиони” ташкилоти ва аввалроқ россиялик сиёсатшунос Даря Дугина ва ҳарбийларнинг ўлими учун масъулиятни ўз зиммасига олган Миллий Республика армияси гуруҳига алоқадор.
- Пономарев 2014 йилда унга нисбатан давлат маблағларини ўзлаштириш айби билан жиноят иши қўзғатилганидан сўнг Россиядан қочиб кетган. Аввалига АҚШга, кейин эса Украинага бориб, у ерда вақтинчалик яшаш учун рухсатнома, кейин эса фуқаролик олган.
2022 йилда у Россияда қидирувга берилган ва армия ҳақида сохта хабар тарқатгани учун сиртдан ҳибсга олинган. ФХХ Пономаревга қарши душман томонига ўтиш ва террористик ташкилотда иштирок этиш кўринишидаги хиёнат бўйича жиноий иш қўзғатган.
Изоҳ (0)