Toshkent viloyatida mayning ferma tashkil etgan shaxslar aniqlandi, deb xabar beradi Bosh prokuratura huzuridagi departament.
Qayd etilishicha, departamentning Chirchiq va Ohangaron shahri bo‘limlari tomonidan tergovga qadar tekshiruvlar o‘tkazilgan. Tekshiruvlar davomida fuqarolar N.R., A.T. va boshqalar “Umid” hamda “O‘nqo‘rg‘on” MFY hududidagi xonadonlarda 19 ta to‘plamdagi mayning kripto-aktivlar qurilmalarini umumiy foydalanishdagi elektr tarmoqlariga ulab, jami 105,5 million so‘mlik elektr energiyasidan noqonuniy foydalangani aniqlangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Bundan oldin Toshkent shahar Yangihayot tumanida mayning ferma tashkil etgan xonadon aniqlangani, Samarqandda mayning ferma tashkil etgan shaxs 91 mln so‘mlik “svet”dan noqonuniy foydalangani to‘g‘risida xabar berilgandi.
Izoh (0)