“Milan” klubi “Chelsi” futbolchisini qo‘lga kiritish niyatida

“Milan” klubi “Chelsi” hujumchisi Romelu Lukakuga qiziqish bildirmoqda. Bu haqda jurnalist Janluka Di Marsio xabar bermoqda.

Italiya klubining hujumdagi asosiy nishoni “Bolonya” hujumchisi Joshua Zirkzi bo‘ldi, ammo uning agenti Kiya Joorabchianning moliyaviy talablari kelishuvni qiyinlashtirmoqda.

Shuning uchun ham Milan yana Belgiya terma jamoasining 31 yoshli hujumchisi nomzodiga murojaat qildi. Londonliklar bilan allaqachon aloqalar o‘rnatilgan. “Chelsi” futbolchisining agentlari bilan ham yaqin kelajakda muzokaralar o‘tkazish rejalashtirilgan.

Milanliklar transfer shartlarini bilib, qaror qabul qilish niyatida.

Sababi Italiya klubi Romeluni arzonroq narxda ijaraga olish niyatida. “Chelsi” esa futbolchining ijara bahosini oshirni ko‘zlagan. Futbolchi uchun London klubi taxminan 45 million yevro ishlab olmoqchi.

Belgiyalik futbolchiga “Napoli” va klub bosh murabbiyi Antonio Konte ham qiziqish bildirmoqda, biroq neapolliklar Viktor Osimhenning kelajagi borasidagi vaziyatni hal qilganicha yo‘q.

Lukaku o‘zining so‘nggi mavsumini “Roma”da o‘tkazdi va A Seriyada 13 ta gol urdi.