Domeniko Tedesko boshchiligidagi Belgiya terma jamoasi murabbiylar shtabi 2024-yilgi Yevropa chempionati uchun tarkibni tuzib chiqdi. Ushbu ro‘yxat mamlakat futbol federatsiyasi saytida e’lon qilindi.
25 nafar futbolchilarning umumiy ro‘yxati quyidagicha:
Darvozabonlar — Kun Kastels (“Volfsburg”, Germaniya), Tomas Kaminski (“Luton”, Angliya), Mats Sels (“Nottingem Forest”, Angliya);
Himoyachilar — Timoti Kastan (“Fulxem”, Angliya), Zeno Debast, Yan Vertongen (ikkalasi ham “Anderlext”), Vut Fas (“Lester”, Angliya), Tomas Menye (“Trabzonspor”, Turkiya), Artur Teate (“Renn”, Fransiya);
Yarim himoyachilar — Yannik Ferreyra Karrasko (“Al-Shabab”, Saudiya Arabistoni), Kevin De Bryuyne (“Manchester Siti”, Angliya), Maksim De Kuyper (“Bryugge” klubi), Sharl de Ketelare (“Atalanta”, Italiya), Dodi Lukebakio (“Sevilya”, Ispaniya), Aurel Mangaliya (“Lion”, Fransiya), Amadu Onana (“Everton”, Angliya), Yuri Tielemans (“Aston Villa”, Angliya), Artur Vermiren, Aksel Vitsel (ikkalasi “Atletiko Madrid”, Ispaniya), Aster Vranks (“Volfsburg”);
Hujumchilar – Yoxan Bakayoko (“PSV”, Gollandiya), Jeremi Doku (“Manchester Siti”), Romelu Lukaku (“Roma”, Italiya), Lois Openda (“Leypsig”, Germaniya), Leandro Trossard (“Arsenal”, Angliya).
Ro‘yxatga tizzasidan olgan jarohati tufayli deyarli butun mavsumni o‘tkazib yuborgan “Real” darvozaboni Tibo Kurtua kiritilmagan. Darvozabon dekabr oyida Yevro—2024 musobaqasigacha yaxshi formaga kirishga ulgurmasligini va terma jamoadagi boshqa darvozabonlar o‘rnini egallamoqchi emasligini aytgandi.
O‘tgan yozda Kurtua va bosh murabbiy Tedesko o‘rtasida mojaro yuzaga kelgandi.
Belgiyaliklar “E” guruhida Slovakiya, Ruminiya va Ukraina jamoalari bilan birga o‘ynaydi.
Yevro—2024 musobaqasi 14-iyundan 14-iyulga qadar bo‘lib o‘tadi. Germaniya mezbonligidagi ushbu turnir 10 ta shahardagi stadionlarda o‘tkaziladi.
Izoh (0)