Тошкент шаҳар ИИББ Мирзо Улуғбек туманида бир гуруҳ шахслар ўртасида содир бўлган жанжал юзасидан маълумот берди.
Ижтимоий тармоқларда бир нечта фуқаролар ўзаро жанжаллашаётгани акс этган видео тарқалиб турли муҳокамаларга сабаб бўлмоқда. Қайд этилишича, 20 июнь тунги соат 00:30 ларда Мирзо Улуғбек туманида 26 ёшли Ш.Б., 23 ёшли А.К., 33 ёшли Ў.З., 32 ёшли Ф.А. ўзининг таниши — 32 ёшли Ж.Р. билан ўзаро жанжаллашиб кетган ва Ж.Р.ни қўл билан уриб, тан жароҳати етказган. Жабрланувчи бош мия чайқалиши, бош мия юмшоқ тўқималари лат ейиши жароҳати билан хусусий тиббиёт муассасасига мурожаат қилган. Ҳолатни яшириш мақсадида Ж.Р. тиббиёт ходимларига ўзи йиқилиб тушганини билдириб, ИИОга мурожаат қилмаган.
Мазкур ҳолат юзасидан Мирзо Улуғбек тумани ИИО ФМБ ҳузуридаги Тергов бўлими томонидан Жиноят кодексининг 277-моддаси (безорилик) билан жиноят иши қўзғатилган. Гумон қилинувчилар Ш.Б. ва А.К. процессуал тартибда ушланган. Қолган гумонланувчиларни ушлаш чоралари кўрилмоқда.
Ўтказилган тезкор тадбирлар давомида Ш.Б.нинг ёнидан чиққан тўппонча кўринишидаги олов ёндиргич ашёвий далил сифатида расмийлаштириб олинган.
Тергов давом этмоқда, якуни бўйича қонуний қарор қабул қилиниши таъминланади.
Эслатиб ўтамиз, 2023 йилда Қашқадарё вилоятида ўйинчоқ пистолетни машина ойнасидан чиқариб, йўл ҳаракати қоидаларини бузган ҳолда ҳаракатланган ҳайдовчи жавобгарликка тортилган эди.
Изоҳ (0)