Shri-Lankadagi avtopoygada mashina yo‘ldan chiqib ketib, tomoshabinlarni bosib ketdi. Oqibatda 7 kishi halok bo‘ldi, 21 kishi jarohatlandi. Bu haqda Newsfirst xabar berdi.
Yo‘l-transport hodisasi 21-aprel kuni sobiq harbiy garnizon hududida o‘tkaziladigan Fox Hill Super Cross musobaqasida sodir bo‘lgan. Bu yil poygani tomosha qilish uchun 100 mingdan ortiq kishi kelgan.
Politsiya ma’lumotlariga ko‘ra, musobaqada ishtirok etayotgan avtomobillardan birining haydovchisi boshqaruvni yo‘qotib, olomon tomon haydagan. Halok bo‘lganlar orasida bolalar ham bor. Jabrlanganlar shifoxonalarga yetkazilgan. To‘rt yaradorning ahvoli og‘ir deb baholanmoqda.
Izoh (0)