Namangan viloyati Pop tumanida 15 sotix yer maydonini noqonuniy olib berishni vaʼda qilgan shaxs ushlandi. Bu haqda Bosh prokuratura huzuridagi departament xabar berdi.
Qayd etilishicha, departamentning Pop tuman bo‘limi tomonidan tezkor tadbir o‘tkazilgan. Tadbirda Sh.Sh. ismli shaxs fuqaro A.A.ning ishonchiga kirib, unga “Qo‘shminor MFY” hududidagi tumani hokimligi zaxirasidagi 15 sotix yer maydonini 30 ming dollari evaziga hujjatlarini rasmiylashtirib olib berishini aytib, shundan 1,5 ming dollar va 12,7 million so‘mni firibgarlik yo‘li bilan olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
- Avvalroq Sirdaryoda besh gektar yer maydonini 40 ming AQSH dollariga sotishga uringan opa-uka qo‘lga olingan edi.
- Aprel boshlarida esa Navoiyda 80 gektar yerni 1 milliard so‘mga sotishga uringan shaxslar ushlangani,
- Samarqand va Farg‘onada noqonuniy yer sotish holatlariga chek qo‘yilgani to‘g‘risida xabar berilgandi.
Izoh (0)