Tojikiston chegarachilari tomonidan o‘qqa tutilishi oqibatida Afg‘onistonning ikki fuqarosi halok bo‘ldi. Bu haqda manbalarga tayanib, Etilaatroz xabar berdi.
Hodisa 10-iyun kuni Yovon tumanining Sholir qishlog‘i chegara hududida sodir bo‘lgan. Qishloqda yashovchi 15 kishidan iborat guruh oltin qazib olish uchun Amudaryodan o‘tib, Tojikistonga ketmoqchi bo‘lgan. Qo‘shni davlat chegarachilari to‘xtash haqida ogohlantirish bergan.
“15 kishilik guruhning bir qismi qurollangani sababli ular to‘xtash haqida ogohlantirilgach, qochib ketgan, tojikistonlik chegarachilar ularga qarata o‘q uzgan va ulardan ikki nafari halok bo‘lgan”, — deyiladi xabarda.
Manbalarga ko‘ra, halok bo‘lganlar orasida o‘smir va kattalar ham bor, boshqalar esa qochishga muvaffaq bo‘lgan. “Tolibon”ning Badaxshondagi mahalliy rasmiylari hozircha bu borada hech qanday izoh bermagan.
Izoh (0)