Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola qilamiz.
Kamdan kam hollarda uyga ro‘zg‘or qiladigan Asal Shodiyeva Oloy bozoriga tushib, meva va sabzavotlar xarid qildi hamda jarayonni videoga olib, sahifasiga joyladi.
Shahlo Zoirova turmush o‘rtog‘i bilan har kuni kechki payt ishdan keyin qahva ichishga odatlangani haqida so‘zlab berdi.
Vayner Bobur Mansurov rafiqasi Farizaning tug‘ilgan kunini qanday nishonlashgani aks etgan video bilan bo‘lishdi.
Xonanda Shahzoda san’atga qaytayotganiga ishora qiluvchi post qoldirdi. “Dam olib, o‘zingga kel va yangidan boshla”, deya izohladi xonanda yangi suratini.
Munisa Rizayeva ota-onasi, opa-singlisi va turmush o‘rtog‘i bilan oilaviy kechki taom jarayonidan video joyladi.
Otabek Mahkamov velosipedda tushgan suratini sahifasiga joyladi.
Taniqli sozanda Abduhoshim Ismoilov 9-iyun sanasida 72 yoshni qarshi oldi.
Xonanda Malika Egamberdiyeva 10-iyun kuni tug‘ilgan kunini nishonladi hamda tabrik yo‘llagan muxlislariga minnatdorchilik bildirdi.
Ijtimoiy tarmoqlarda boshlovchi Nilufar Sotiboldiyevaning go‘zallik salonida boshqa bir ayol bilan janjallashib ketgani aks etgan video tarqalmoqda. Boshlovchi ushbu videoga hozircha izoh bermagan.
Javohir Zokirov Qozog‘istonning Olmaota shahrida yangi serialda suratga tushmoqda.
Baby Mohi sahifasiga turmush o‘rtog‘i bilan tushgan yangi suratlarini joylashtirdi hamda tez kunlarda gender party o‘tkazmoqchi ekanligini aytib o‘tdi.
“Ovoz” loyihasida Yorqinxo‘ja Umarovning singlisi Madlen Sharipova ishtirok etib, Selin Dionning “Al by myself” qo‘shig‘ini ijro etdi. Uning ijrosi hakamlarga birdek manzur bo‘lib, ularning hammasi “Tanladim” tugmasini bosishdi. Biroq Madlen qudabuvasi Ozodbek Nazarbekovni tanladi.
Izoh (0)