Instagram: Ёрқинхўжа Умаровнинг синглиси санъатга кириб келмоқда, Абдуҳошим Исмоилов 72 ёшни қаршилади, Нилуфар Сотиболдиева салонда жанжал кўтарди

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола қиламиз.

Камдан кам ҳолларда уйга рўзғор қиладиган Асал Шодиева Олой бозорига тушиб, мева ва сабзавотлар харид қилди ҳамда жараённи видеога олиб, саҳифасига жойлади.


Шаҳло Зоирова турмуш ўртоғи билан ҳар куни кечки пайт ишдан кейин қаҳва ичишга одатлангани ҳақида сўзлаб берди. 

Вайнер Бобур Мансуров рафиқаси Фаризанинг туғилган кунини қандай нишонлашгани акс этган видео билан бўлишди.


Хонанда Шаҳзода санъатга қайтаётганига ишора қилувчи пост қолдирди. “Дам олиб, ўзингга кел ва янгидан бошла”, дея изоҳлади хонанда янги суратини. 

Муниса Ризаева ота-онаси, опа-синглиси ва турмуш ўртоғи билан оилавий кечки таом жараёнидан видео жойлади.


Отабек Маҳкамов велосипедда тушган суратини саҳифасига жойлади. 

Таниқли созанда Абдуҳошим Исмоилов 9 июнь санасида 72 ёшни қарши олди. 


Хонанда Малика Эгамбердиева 10 июнь куни туғилган кунини нишонлади ҳамда табрик йўллаган мухлисларига миннатдорчилик билдирди. 

Ижтимоий тармоқларда бошловчи Нилуфар Сотиболдиеванинг гўзаллик салонида бошқа бир аёл билан жанжаллашиб кетгани акс этган видео тарқалмоқда. Бошловчи ушбу видеога ҳозирча изоҳ бермаган. 


Жавоҳир Зокиров Қозоғистоннинг Олмаота шаҳрида янги сериалда суратга тушмоқда. 

Baby Моҳи саҳифасига турмуш ўртоғи билан тушган янги суратларини жойлаштирди ҳамда тез кунларда гендер party ўтказмоқчи эканлигини айтиб ўтди. 

“Овоз” лойиҳасида Ёрқинхўжа Умаровнинг синглиси Мадлен Шарипова иштирок этиб, Селин Дионнинг “Ал бй мйселф” қўшиғини ижро этди. Унинг ижроси ҳакамларга бирдек манзур бўлиб, уларнинг ҳаммаси “Танладим” тугмасини босишди. Бироқ Мадлен қудабуваси Озодбек Назарбековни танлади.