Xonanda Yorqinxo‘ja Umarov “Laziza Shok.uz” YouTube kanaliga bergan intervyusida Ozodbek Nazarbekovning qizi Zinnura qaysi xislatlari bilan uni maftun qilgani haqida so‘zlab berdi.
— Zinnurani tadbirda ko‘rganman. Axloqli, tarbiyali qiz bo‘lgan. Biz ham umr yo‘ldosh qidirayotgan bo‘lganmiz. O‘zim azaldan diyonatiga, axloqiga qarab rafiqa tanlayman deganman va shu maqsadda bo‘lganman doim. Chunki ertaga bizdan tug‘iladigan zurriyotning ayolimiz axloqiga ham bog‘liq joylari bor. Shuning uchun farzandim axloqli, xush xulqli bo‘lishini xohlayman. U narsa bo‘lishi uchun qars ikki qo‘ldan chiqadi. O‘zimni isloh qilishim kerak. Ayolim ham dunyoviy ham diniy bilimlarga ega bo‘lishi kerak edi. Men ham uncha-muncha suhbatda bo‘ldim, ko‘rdim. Agar ayolimda shu xislatlar bo‘lmaganida menga bu narsa umuman kerak bo‘lmasdi. Chunki moddiy tomondan men o‘zimni ta’minlay olaman. Bu tomondan menga hech kimning yordami kerak emas. Yaratgan meni qo‘llab-quvvatlab, moddiy tomon o‘zimga berilsa men uchun bu sharaf. Kimdandir yordam kutish bu sharafsizlik. Men o‘zimga buni ravo ko‘rolmayman. Hayotimiz, taqdirimiz bog‘langan ekan, shu 3-4 oylar davomida borildi. “O‘ylab ko‘ramiz”, deyishdi. Bu narsalarni oilani yanada mustahkam qiladigan omillar deb bilaman, — deydi xonanda.
Xonanda to‘yiga 30 ming dollar atrofida pul sarflagani haqida ham gapirib o‘tdi. Shuningdek, u to‘y xizmatlaridan ishlagan pullarini kimga olib kelib berishi haqidagi savolga ham javob berdi.
— Topayotgan pulimning 90 foizini onamga, 10 foizini ayolimga beraman. O‘zimda esa umuman pul yo‘q, — deydi xonanda hazil tariqasida.
Izoh (0)