Toshkent shahar IIBB Yo‘l harakati xavfsizligi boshqarmasi poytaxt ko‘chalarida drift qilgan haydovchi yuzasidan ma’lumot berdi.
Ijtimoiy tarmoqda BMW rusumli avtomashina haydovchisi yo‘l harakati qoidalarini buzib, keskin manyovr va avariya holatini yuzaga keltirib avtomashina boshqargani aks etgan video tarqaldi. Video Toshkent shahar IIBB YHXB xodimlari tomonidan o‘rganilgan.
O‘rganishlar davomida 27 yoshli haydovchi Sh.R.ga nisbatan o‘rnatilgan tartibda Ma’muriy javobgarlik to‘g‘risidagi kodeksning 128-5-moddasining (transport vositalari haydovchilarining xalaqit berishi yoki avariya holatini yuzaga keltirishi, yo‘lning qarama-qarshi harakatlanish uchun mo‘ljallangan tomoniga yoki bo‘lagiga chiqishi) 2-qismiga muvofiq maʼmuriy bayonnoma rasmiylashtirilgan hamda haydovchilar bilan profilaktik suhbat olib borilgan.
Eslatib o‘tamiz, Samarqand shahrida 31-dekabrdan 1-yanvarga o‘tar kechasi Mercedes-Benz’da drift qilgan haydovchi javobgarlikka tortilgan edi. Undan oldin esa Nukusda raqamsiz harakatlanib, drift qilgan “Shumaxer” topilgandi.
Izoh (0)