Diego Maradonaning “Oltin to‘p”i kimoshdi savdosiga qo‘yilmaydigan bo‘ldi

Diego Maradonaning “Oltin to‘p”i kimoshdi savdosidan olib tashlandi.

1986-yilgi Jahon Chempionatida Argentinaning g‘alabasidan 10 yil o‘tib, Maradonaga berilgan faxriy “Oltin to‘p” kimoshdi savdosida sotilishi, sovrinning o‘zi esa bir necha millionga baholangani xabar qilingandi.

Keyinchalik savdo to‘xtatilgani ma’lum qilindi — Diegoning oilasi sovrin 1989-yilda bir marta o‘marib ketilganini ta’kidlagan. 

5-iyun sanasida Fransiya sudi “Oltin to‘p” bilan nima sodir bo‘lganligi aniq bo‘lmaguncha uni sotishni taqiqladi. 

Aguttes auksion uyi 6-iyun kuni sovrinni savdoga qo‘yishni rejalashtirgan edi. Agar bu ish amalga oshganda, Maradonaning “Oltin to‘p”i sport tarixidagi eng qimmat lotga aylanishi mumkin edi.