Italiyalik mutaxassis Antonio Konte “Napoli” bilan 2027-yilning 30-iyuniga qadar mo‘ljallangan shartnoma imzoladi.
O‘tgan mavsumning ikkinchi yarmida Slovakiya terma jamoasi bosh murabbiyi Franchesko Kalzona Valter Matsarri o‘rniga “Napoli” jamoasi bosh murabbiyi sifatida ishlagan edi.
54 yoshli mutaxassisning so‘nggi ish joyi Londonning “Tottenxem” klubi bo‘lib, u 2021-yildan 2023-yilgacha boshqargan.
Avvalroq OAVda “Napoli” Konte tayinlansa yozda transferlar uchun 230 million yevro ajratishga tayyorligi haqida ma’lumot paydo bo‘lgandi. Shuningdek, Kontening klub bilan shartnomasida hamkorlik muddatidan oldin to‘xtatilgan taqdirda murabbiyga tovon puli ko‘zda tutilmasligi ma’lum qilingandi.
Eslatib o‘tamiz, 2023—2024-yilgi mavsum yakuniga ko‘ra “Napoli” Italiya A seriyasida 38 ta o‘yin o‘tkazib, 53 ochko jamg‘argan va milliy chempionat turnir jadvalida 10-o‘rinni band etgandi.
Izoh (0)