Markaziy Osiyoda mintaqalararo tovar ayirboshlash hajmi o‘tgan besh yil ichida (2019—2024) 11 milliard dollarga yetdi. Bu haqda Qozog‘iston savdo va integratsiya vaziri Arman Shakkaliyev xabar berdi.
Shakkaliyev Markaziy Osiyo savdo siyosati bo‘yicha ikkinchi forumida tegishli ma’lumot bilan bo‘lishdi. Forum Jahon savdo tashkiloti (JST) kotibiyati shafeligida Osiyo taraqqiyot banki (OTB), Xalqaro savdo markazi (XSM) va Qozog‘iston hukumati ishtirokida o‘tkazildi.
“So‘nggi yigirma yil davomida mintaqa yalpi ichki mahsulotining yillik o‘sish sur’ati 6,2 foizni tashkil etib, 350 milliard dollarlik ko‘rsatkichdan oshdi”, — deydi savdo vazirining birinchi o‘rinbosari Ayjan Bijanova.
U Qozog‘istonning xalqaro savdoda ishonchli hamkor sifatidagi obro‘sini mustahkamlash va mamlakatning sarmoyaviy jozibadorligini oshirish uchun JSTga a’zo bo‘lish muhimligini ta’kidladi.
Izoh (0)