Qozog‘iston 30 tonnaga yaqin pomidor kasallangani sababli ularni eksport qiluvchi mamlakatlarga, jumladan, 4,2 tonnasini O‘zbekistonga qaytardi. Bu haqda Qishloq xo‘jaligi vazirligining Agrosanoat majmuasidagi davlat nazorati qo‘mitasiga tayanib, Tengrinews xabar berdi.
2024-yilda Turkiston viloyatida joylashgan fitosanitariya nazorati postlari orqali 1075 ta avtomashinada 15 637 802 tonna pomidor mahsuloti olib kirilgan. Fitosanitariya talablari buzilgani (fitosanitariya sertifikati, yorlig‘i yo‘qligi) tufayli 29,522 tonna pomidor eksport qiluvchi davlatlarga qaytarilgan.
Mahsulotlarning yashirin kasallanganini aniqlash maqsadida boshqa davlatlardan olib kelingan pomidor, baqlajon, shirin qalampirning har bir partiyasi tegishli karantin fitosanitar ekspertizasidan o‘tkazilgan, natijada “pomidor jigarrang bujmayishi virusi” aniqlangan.
Mahsulotlar kasallangani sababli 56,1 tonna pomidor Turkmanistonga, 4,2 tonna pomidor esa O‘zbekistonga qaytarilgan.
Shuningdek, 2024-yil boshidan buyon fitosanitariya talablariga javob bermaydigan, import qilingan 497 ming 624 tonna import nazorati ostidagi mahsulotlar fitosanitariya nazorati punktlariga qaytarildi.
Izoh (0)