Falastinning HAMAS harakati o‘t ochishni to‘xtatish va Isroil qo‘shinlarini G‘azodan olib chiqib ketish taklifini olqishlashini bildirdi.
Harakat vakillari to‘liq o‘t ochishni to‘xtatishga asoslangan “har qanday taklifni ijobiy va konstruktiv ko‘rib chiqishga” tayyorligini ma’lum qilgan.
“HAMAS AQSH prezidenti Jo Bayden nutqidagi so‘zlarni va uning doimiy o‘t ochishni to‘xtatish, G‘azo sektoridan harbiy kuchlarni olib chiqish, rekonstruksiya qilish va asirlar almashish haqidagi chaqirig‘iga ijobiy qaraydi”, — deyiladi bayonotda.
Shuningdek, HAMAS ko‘chirilganlarni G‘azo bo‘ylab o‘z uylariga qaytarishni va agar Isroil bu majburiyatni o‘z zimmasiga olsa, mahbuslarni almashish bo‘yicha kelishuvni yakunlamoqchi ekani qayd etilgan, deb yozadi Al Jazeera.
Avvalroq AQSH prezidenti Jo Bayden HAMAS va Isroil o‘rtasida muhokama qilinayotgan kelishuv tafsilotlarini oshkor qilgandi.
Unga ko‘ra, kelishuv hududda o‘t ochishni to‘xtatishni, G‘azo sektorining barcha aholi punktlaridan qo‘shinlarni olib chiqib ketishni nazarda tutadi.
Izoh (0)