Kolumbiya shimolida ko‘prikning bir qismi o‘pirilishi oqibatida to‘rt kishi halok bo‘ldi.
Bu haqda Atlantiko departamenti gubernatori Eduardo Verano de la Rosa X ijtimoiy tarmog‘idagi sahifasida ma’lum qilgan.
Uning qayd etishicha, hodisa natijasida yana uch kishi jarohatlangan.
![](/static/2024/06/01/koprik--ABPSz0A.jpg)
“Biz Soledad meri va tabiiy ofatlarning oldini olish vaziri o‘rinbosari bilan birgalikda Barrankilyoni Soledad bilan bog‘laydigan ko‘prikning bir qismi o‘pirilgan joydamiz”, — deb yozdi gubernator.
Voqeaning boshqa tafsilotlari hozircha ma’lum qilinmagan.