Фаластиннинг ҲАМАС ҳаракати ўт очишни тўхтатиш ва Исроил қўшинларини Ғазодан олиб чиқиб кетиш таклифини олқишлашини билдирди.
Ҳаракат вакиллари тўлиқ ўт очишни тўхтатишга асосланган “ҳар қандай таклифни ижобий ва конструктив кўриб чиқишга” тайёрлигини маълум қилган.
“ҲАМАС АҚШ президенти Жо Байден нутқидаги сўзларни ва унинг доимий ўт очишни тўхтатиш, Ғазо секторидан ҳарбий кучларни олиб чиқиш, реконструкция қилиш ва асирлар алмашиш ҳақидаги чақириғига ижобий қарайди”, — дейилади баёнотда.
Шунингдек, ҲАМАС кўчирилганларни Ғазо бўйлаб ўз уйларига қайтаришни ва агар Исроил бу мажбуриятни ўз зиммасига олса, маҳбусларни алмашиш бўйича келишувни якунламоқчи экани қайд этилган, деб ёзади Al Jazeera.
Аввалроқ АҚШ президенти Жо Байден ҲАМАС ва Исроил ўртасида муҳокама қилинаётган келишув тафсилотларини ошкор қилганди.
Унга кўра, келишув ҳудудда ўт очишни тўхтатишни, Ғазо секторининг барча аҳоли пунктларидан қўшинларни олиб чиқиб кетишни назарда тутади.
Изоҳ (0)