Xitoy Mudofaa vazirligi matbuot kotibi Vu Tsyan Xitoy va Tayvanning birlashishini “to‘xtatib bo‘lmaydi” dedi.
U Tayvan ma’muriyati rahbari Lay Tsindening lavozimga kirishishini shunday izohladi. Uning fikricha, orolning mustaqilligi urushga teng bo‘lardi.
“Vatanning birlashishi tarixiy tendensiya bo‘lib, uni to‘xtatib bo‘lmaydi. Tayvanning mustaqilligi urushga, bo‘linish esa tinchlikning yo‘qolishiga teng bo‘ladi”, — dedi Vu Tsyan brifingda.
Xitoy xalq ozodlik armiyasi o‘tgan hafta Tayvan atrofidagi dengiz va havo hududida, orolni o‘rab olgan holda “Qo‘shma qilich 2024A” harbiy mashg‘ulotlarini o‘tkazdi.
XXR buni “Tayvan mustaqillik tarafdori kuchlarning separatistik harakatlariga javob va tashqi kuchlar aralashuvi va provokatsiyalaridan qattiq ogohlantirish” deb atadi. Mashqlar orolning yangi ijrochi rahbarining inauguratsiyasidan so‘ng bo‘lib o‘tdi.
Inauguratsiya paytida Lay Tsinden Xitoy hukumatini “Tayvanga nisbatan siyosiy va harbiy qo‘rqitishni to‘xtatishga” chaqirdi va orol mustaqillikka erishishiga va’da berdi.
Izoh (0)