Oleksandr Usik va Tayson Fyuri o‘rtasidagi revansh jangi 21-dekabr kuni bo‘lib o‘tadi. Bu haqda jang tashkilotchisi, Riyadh Season rahbari Turki ash-Sheyx ma’lum qildi.
“Mutlaq jahon chempioni Oleksandr Usik va Tayson Fyuri o‘rtasidagi revansh jangi 2024-yilning 21-dekabriga belgilangan.
Jang Ar-Riyodda bo‘lib o‘tadi. Dunyo yana tarixiy kurashni ko‘radi. Biz boks muxlislari oldidagi majburiyatlarimizni bajarishda davom etamiz”, — deb yozdi Turki Al ash-Shayx ijtimoiy tarmoqlarda.
Avvalroq ushbu jang 12-oktyabrda o‘tkazilishi haqida xabar berilgan edi.
Eslatib o‘tamiz, 19-may kuni Usik Fyurini ochkolar hisobida mag‘lub etib, mutlaq jahon chempioniga aylangandi.
Ushbu jangdan so‘ng Oleksandr Usik barcha 5 kamarga egalik qilish bilan bir qatorda, mutlaq chempionga aylandi.
Oxirgi marta Lennoks Lyuis 1999-yili og‘ir vazn toifasida mutlaq chempion bo‘lgan edi.
Izoh (0)