Og‘ir vazn toifasida sobiq jahon chempioni ukrainalik Vladimir Klichko 19-may kuni Ar-Riyodda (Saudiya Arabistoni) bo‘lib o‘tgan Aleksandr Usik va Tayson Fyuri o‘rtasidagi jang natijasiga izoh berdi.
Klichko bu tarixiy g‘alaba nafaqat Oleksandr Usik, balki boshqalar uchun ham muhim ekanini ta’kidladi.
Bu odamning so‘nggi haftalarda va bu yerda ringda qanday bosimni boshdan kechirganini tasavvur qila olasizmi!? Shubhasiz, unda mag‘lubiyat varianti yo‘q edi.
Vladimir Klichko Usik raqibining bo‘yi, vazni, qo‘l uzunligi va harakatchanligidagi ustunlikni yo‘qqa chiqarganini aytdi.
U og‘ir vazn toifasida eng zo‘ri ekanini ko‘rsatdi. Oleksandr Usik zamonamizning eng yaxshi bokschisi ekanini isbotladi, — deya Klichko so‘zlarini keltiradi Sky Sports nashri.
Eslatib o‘tamiz, Usik hakamlar qarori bilan (114—113, 113—114, 115—112) ochkolar hisobida Tayson Fyuri ustidan g‘alaba qozondi. Fyuri esa faoliyatidagi ilk mag‘lubiyatni qabul qildi.
Izoh (0)