Kamaru Usmon Oleksandr Usik va Frensis Ngannu o‘rtasidagi jangni ko‘rish niyatida ekanini aytib o‘tdi.
“Bu aqlbovar jang ekanligini bilaman, lekin men Usikning Frensis Ngannu kabi yigit bilan jang qilishini ko‘rishni istardim, chunki Oleksandr boshqa hammani mag‘lub etib bo‘ldi.
Ha, u boshqa ko‘plab bokschilarni mag‘lub etdi, lekin Frensis eng kuchli zarba egalaridan. Men Oleksandr Ngannudek raqibni qanday mag‘lub etishga harakat qilishini ko‘rishni istayman”, — deydi Kamaru Usmon.
- 37 yoshli Kamaru Usmon 2023-yil oktyabrida bo‘lib o‘tgan o‘zining so‘nggi janggida Hamzat Chimayevga mag‘lub bo‘lgan.
- Oleksandr Usik 12 raund davom etgan o‘zining so‘nggi jangida Tayson Fyurini ochkolar hisobida yengib, og‘ir vazn toifasida mutlaq chempion unvonini qo‘lga kiritdi.
- Frensis Ngannu og‘ir vazn toifasida britaniyalik bokschi Entoni Joshuaga qarshi 8-mart kuni Saudiya Arabistonida ringga ko‘tarildi. 10 raund davom etishi kerak bo‘lgan jang 2-raunddayoq muddatidan oldin yakunlandi. Unda Entoni Joshua Ngannuni nokautga uchratdi. Sportchi hozirda PFL* bilan shartnoma imzolagan. PFL (Professional Fighters League) — Professional jangchilar ligasi. Aralash yakkakurashlar bo‘yicha turnirlarni tashkil qiluvchi AQSH tashkiloti. 2012-yilda World Series of Fighting nomi ostida tashkil etilgan, 2017-yilda Professional jangchilar ligasi (PFL) sifatida faoliyatini qayta boshlagan. Tashkilot birinchi musobaqani 2018-yilda Nevada shtati, Las-Vegas shahrida o‘tkazgan.
Izoh (0)