Professional boksda o‘z vaqtida WBC, WBA, IBF yo‘nalishlarida chempionlik kamariga egalik qilgan Konstantin Szyu Usik—Fyuri jangi tijoriy xarakterga ega bo‘lganini ta’kidlab o‘tdi.
“Afsuski, jangni yo‘lda ko‘rishga majbur bo‘ldim. Ko‘rganlarimdan xulosa qildimki, hakamlar to‘g‘ri qaror chiqardi. Jang teng kurashlar ostida kechdi.
Oktyabrda revanshmi? Menimcha, aynan shuning uchun g‘alabani Usikka berishdi.
Bilmadim, Fyurida g‘alaba qozonish imkoniyati qanaqa. Lekin bu toza tijoriy jang.
Kim ko‘proq hayratga soldi? Usik. U Fyuri raqibiga tug‘diradigan muammolarni yenga oldi”, — deydi Szyu.
Eslatib o‘tamiz, 18-may kuni Usik ochkolar evaziga Fyurini mag‘lub etib, og‘ir vazn toifasida mutlaq jahon chempioniga aylandi. Bu britaniyalik bokschining faoliyatidagi ilk mag‘lubiyati bo‘ldi.
Bokschilar 12-oktyabr kuni revansh jangida ishtirok etadi.
Izoh (0)