Xitoyning Alibaba kompaniyasi (AliExpress egasi) rus biznesi uchun shartlarni kuchaytirdi: u rublni qabul qilishni to‘xtatdi va Rossiyaga yetkazib berishga ruxsat bermayapti. Bu haqda “Kommersant” xabar berdi.
Rossiya kartalaridagi to‘lovlar endi amalga oshirilmaydi, baʼzi banklar bundan mustasno. Alibaba bu pulni bir necha kundan keyin qaytarib beradi, — dedi bozor eksperti Artyom Bobtsov.
Uning so‘zlariga ko‘ra, o‘zgarishlar nafaqat to‘lov siyosatiga, balki tovarlar jo‘natishga ham tegishli. Bu qandaydir tranzit sxemalar jalb qilinishiga, natijada narxlarning oshishiga olib keladi.
Iqtisodiy ekspert Semyon Novoprudskiy Alibaba qarorini Rossiyaning Xitoydagi to‘lovlari bilan bog‘liq boshqa muammolarni keltirib chiqargan ikkilamchi sanksiyalar qo‘rquvi bilan bog‘lagan.
28-may kuni AliExpress MDH matbuot xizmati Rossiyaga tovarlarni to‘lash va yetkazib berish odatdagidek ishlayotganini maʼlum qilgan.
Xitoy banklarida Rossiya operatsiyalarini amalga oshirishda qiyinchiliklar joriy yil boshidan beri kuzatilmoqda. Ular dekabr oyida Amerika prezidenti Jo Bayden farmonni imzolaganidan keyin boshlangan. Unga ko‘ra, AQSH Moliya vazirligi Rossiyadan sanksiyalangan shaxslar bilan ishlaydigan yoki Rossiya harbiy sanoatiga ma’lum materiallar va jihozlarni yetkazib berishga yordam beradigan xorijiy banklarga qarshi choralar ko‘rish huquqiga ega.
AQSH davlat kotibi Entoni Blinken avvalroq Xitoyga tashrifi chog‘ida Pekin Rossiyaga ikki maqsadli mahsulotlar yetkazib berishda davom etsa va shu orqali mudofaa sanoatini mustahkamlasa, Vashington unga nisbatan cheklovlar qo‘yishi mumkinligini aytgan edi.
Prezident Vladimir Putin Xitoyga tashrifi chog‘ida banklarda to‘lovlarni amalga oshirishda yuzaga keladigan muammolar iqtisodiy faoliyat ishtirokchilari darajasida muhokama qilinayotgani va ularni hal qilish mumkinligini aytdi.
Putin uchinchi shaxslarga nisbatan qo‘llangan sanksiyalar noqonuniy ekanini, shuningdek, jahon iqtisodiyotiga zarar yetkazishini ta’kidlagan.
Izoh (0)