Isroil kuchlari 25-may kuni G‘azo shimolidagi maktabga hujum uyushtirishi oqibatida 10 kishi halok bo‘lgan. Bu haqda Al Jazeera nashri xabar berdi.
Falastinning WAFA agentligi hujumni tasdiqlagan. Isroilliklar G‘azo shimolidagi As-Saftaviy mahallasidagi maktabga zarba bergani aytilgan.
Hujumda 10 nafar fuqaro halok bo‘lgan. Yaralanganlar soni 17 nafarga yetgan. Ulardan 5 nafari o‘ta og‘ir ahvolda ekani maʼlum qilingan.
Manbaga ko‘ra, Isroil harbiylari Jabaliya qochqinlar lageri janubidagi mahallalarga ham havo hujumi uyushtirgan. Turar joy binolari va muassasalar nishonga olingan.
WAFA agentligi Jabaliyadan falastinliklar ommaviy ko‘cha boshlaganini yozgan. Isroil aviatsiyasi ogohlantirish signallari chalib, falastinliklarni qochishga chaqirgan.
Isroil vayron qilgan maktabda qidiruvlar davom etmoqda. Qurbonlar shaxsi haqidagi maʼlumot hali oshkor qilinmagan.
Izoh (0)