“Atalanta” Lukmanning het-trigi evaziga “Bayer”ni mag‘lub etib, Yevropa Ligasi g‘olibiga aylandi

Futbol bo‘yicha Yevropa Ligasi finalida “Atalanta” va “Bayer” jamoalari 22-may, chorshanba kuni bahs olib bordi.

Uchrashuvning 12-daqiqasida Ademola Lukman hisobni ochdi. 26-daqiqada esa Lukman yana bir bor darvozani ishg‘ol qildi. Bo‘lim italyan jamoasining ustunligi bilan yakunlandi.

Ikkinchi bo‘limda “Bayer” jonlandi. Qator xavfli vaziyatlar yaratdi. Biroq “Atalanta” yana gol urishga muvaffaq bo‘ldi. 75-daqiqada Lukman het-trikni rasmiylashtirdi.

Qolgan daqiqalarda darvozalar ishg‘ol etilmadi va “Atalanta” 3:0 hisobidagi g‘alabani rasmiylashtirib, Yevropa Ligasi chempioniga aylandi.

“Bayer”ning esa 51 o‘yinlik mag‘lubiyatsiz seriyasi o‘z yakuniga yetdi.

Qayd etib o‘tish joiz, italyan klubi o‘z tarixida ilk bor Yevrokubokda zafar quchmoqda.

Yevropa Ligasi

Final

22-may, chorshanba

“Atalanta” — “Bayer” 3:0

Gollar: 1:0 – 12 Lukman, 2:0 – 26 Lukman, 3:0 – 75 Lukman.

“Atalanta”: Musso, Zappakosta (Hatebur, 84), Jimshiti, Kolashinas (Skalvini, 46), Hin, Rujeri, Kopmeyners, Ederson, de Ketelare (Pashalich, 57), Lukman, Skamakka (Ture, 84).

“Bayer”: Kovarj, Stanishich (Bonifase, 46), Ta, Tapsoba, Inkapie, Grimaldo (Glojek, 69), Frimpong (Tella, 81), Jaka, Palasios (Andrix, 68), Virts (Shik, 81), Adli.

Ogohlantirishlar: Jimshiti (22), Virts (35), Skamakka (35), Zappakosta (60), Tapsoba (67), Kopmeyners (70), Andrix (73).