Futbol bo‘yicha Yevropa Ligasi yarim finalining javob o‘yinlari 9-may, payshanba kuni bo‘lib o‘tdi.
“Bayer” “Roma”ga qarshi bahs olib bordi. Uchrashuvning birinchi bo‘limi so‘ngida Leandro Paredes penaltidan unumli foydalanib, rimliklarni hisobda oldinga olib chiqdi.
Ikkinchi bo‘limda, 66-daqiqada Paredes yana penaltini aniq amalga oshirdi va hisobni ishonchli ko‘rinishga olib keldi. 82-daqiqada Manchini o‘z darvozasini ishg‘ol qilib qo‘ydi. Hakam qo‘shib bergan daqiqalarda Stanishich hisobni tenglashtirdi va eng muhimi “Bayer”ning mag‘lubiyatsiz seriyasi davom etishiga sababchi bo‘ldi.
Uchrashuv 2:2 hisobi bilan yakunlandi. Umumiy hisob esa 4:2, “Bayer” foydasiga.
Yana bir yarim final o‘yinida “Atalanta” “Marsel”ni 3:0 hisobida taslim etdi. O‘yindagi gollarga Lukman, Rujeri va Turelar mualliflik qildi. Jamoalar o‘rtasidagi dastlabki o‘yinda 1:1 hisobi qayd etilgandi. Ikki o‘yin natijasiga ko‘ra “Atalanta” 4:1 hisobida g‘alaba qozonib, finalga yo‘l oldi.
Shu tariqa Yevropa Ligasi finalida “Bayer” va “Atalanta” o‘zaro bahs olib boradi.
Yevropa Ligasi
1/2 final
9-may, payshanba
“Bayer” — “Roma” 2:2
Gollar: 0:1 – 43 Paredes (penalti), 0:2 – 66 Paredes (penalti), 1:2 – 82 Manchini (avtogol), 2:2 – 90+7 Stanishich.
“Bayer”: Kovarj, Frimpong (Stanishich, 90), Ta, Tapsoba, Inkapie, Grimaldo (Kossunu, 90), Jaka, Hofmann (Virts, 81), Palasios, Adli, Glojek (Shik, 74).
“Roma”: Svilar, Anxelinyo (Smolling, 81), Manchini, Ndika, Spinassola (Zalevski, 21), Paredes, Kristante, Pellegrini (Abraham, 81), Ash-Shaaravi, Lukaku, Azmun (Bove, 72).
Ogohlantirishlar: Tapsoba (20), Manchini (20), Pellegrini (21), Paredes (27), Zalevski (29), Ta (41), Virts (89).
“Atalanta” — “Marsel” 3:0
Gollar: 1:0 – 30 Lukman, 2:0 – 52 Rujeri, 3:0 – 90+4 Ture.
“Atalanta”: Musso, Zappakosta (Hatebur, 76), Jimshiti, Hin, de Ron, Rujeri, Kopmeyners, Ederson (Skalvini, 56), de Ketelare (Pashalich, 61), Lukman (Ture, 77), Skamakka (Miranchuk, 56).
“Marsel”: Lopes, Kloss (Pemi, 72), Mbemba (Unai, 59), Jigo, Balerdi, Merlen (Luis Enrike, 72), Kondogbia, Veretu, Xarit (Korrea, 84), Ndiay (Sarr, 59), Obameyang.
Ogohlantirishlar: Ederson (47), de Ron (63).
Izoh (0)