UEFA tashkiloti yaqin yillardagi Yevrokuboklar finallari bo‘lib o‘tadigan shaharlarni e’lon qildi.
2025/26-yilgi mavsum Chempionlar Ligasi finali Budapeshtdagi “Pushkash Arena” stadionida bo‘lib o‘tadi. 2027-yilgi final borasidagi yakuniy qaror esa sentyabr oyigacha qabul qilinadi. UEFA “San-Siro” stadioni qayta ta’mirlanish rejalari bo‘yicha ma’lumotlarni kutmoqda.
2026-yilgi Yevropa Ligasi finali esa Istanbulda, “Beshiktosh” stadionida o‘tkaziladi. 2027-yilgi hal qiluvchi bahsga Frankfurt mezbonlik qiladi.
Konferensiyalar Ligasi 2025/26-yilgi mavsumiga “Red Bull Arena Leypsig” mezbonlik qilsa, 2027-yilgi final yana Istanbulda, aynan “Beshiktosh” stadionida o‘tkaziladi.
Eslatib o‘tamiz, joriy mavsum Chempionlar Ligasi finaliga Londonning “Uembli” stadio mezbonlik qilmoqda. Yevropa Ligasi finali Dublindagi “Dublin Arena” stadionida bo‘lib o‘tadi. Konferensiyalar Ligasining hal qiluvchi o‘yini esa Afinadagi “Aya Sofiya” arenasida o‘tkaziladi.
Izoh (0)