Qoraqalpog‘iston Respublikasining Kegeyli hamda Samarqand viloyatining Toyloq tumanida valyuta ayirboshlash bilan shug‘ullanib kelgan shaxslar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, departamentning Kegeyli tuman bo‘limi va DXX xodimlari hamkorligida o‘tkazilgan tezkor tadbirda valyuta ayirboshlash bilan shug‘ullanib kelgan U.J. va J.S. fuqaro K.B.dan jami 4 ming dollarni 49 mln so‘mga sotib olgan vaqtlarida ashyoviy dalillar bilan ushlangan.
Shu kabi departamentning Toyloq tuman bo‘limi tomonidan o‘tkazilgan tezkor tadbirda valyuta ayirboshlash bilan shug‘ullanib kelgan I.G‘. jami 3,1 ming dollarni fuqaro A.A.ga 39,5 mln so‘mga sotgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)