Toshkent va Buxoro viloyatlarida valyuta qimmatliklarining noqonuniy muomalaga kiritilishiga chek qo‘yildi. Bu haqda Bosh prokuratura huzuridagi departament xabar berdi.
Qayd etilishicha, departamentning Ohangaron shahar bo‘limi tomonidan tezkor tadbir o‘tkazilgan. Tadbirda valyuta ayirboshlash bilan shug‘ullanib kelgan Z.J. jami 3 ming dollarni fuqaro S.X.ga 38,1 million so‘mga sotgan vaqtida ashyoviy dalillar bilan ushlangan.
Shu kabi, departamentning G‘ijduvon tuman bo‘limi tomonidan o‘tkazilgan tezkor tadbirda valyuta ayirboshlash bilan shug‘ullanib kelgan D.T. fuqaro F.K.dan jami 270 ming Rossiya rublini 35,6 million so‘mga sotib olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Avvalroq Andijon va Qashqadaryo viloyatlarida valyuta qimmatliklarini noqonuniy muomalaga kiritilishiga chek qo‘yilgani to‘g‘risida xabar berilgandi. Shuningdek, Buxoro va Xorazm viloyatlarida valyuta qimmatliklarini noqonuniy muomalaga kiritilishining oldi olingan edi.
Izoh (0)