Yevropa rasmiylari suiqasddan so‘ng Ukrainaning NATOga a’zo bo‘lishiga qarshi chiqqan Slovakiya bosh vaziri Robert Fitso alyansda yanada buzg‘unchi kuchga aylanishidan xavotirda, deb yozadi Financial Times (FT).
Ba’zi yevropalik amaldorlar Fitso, Finlyandiya va Shvetsiyaning NATOga kirishini kechiktirgan Orban kabi buzg‘unchi kuchga aylanishidan xavotirda, — deb yozadi nashr.
FT’ga ko‘ra, suiqasddan oldin Fitso Gollandiya bosh vaziri Mark Ryutten NATOning navbatdagi bosh kotibligiga o‘z nomzodini qo‘yishiga qarshi chiqqandi.
Fitso Ukrainaga qurol yetkazib berilishiga hamda Ukrainaning NATOga a’zo bo‘lishiga to‘sqinlik qilgan. Uning fikricha, bu uchinchi jahon urushining boshlanishini anglatadi. U Ukrainaga harbiy xizmatchilar yuborilishiga ham qarshi chiqqan. Fitso NATO qo‘shinlarining ehtimoliy yuborilishi mojaroning kuchayishiga olib kelishini ta’kidlagan.
Eslatib o‘tamiz, 15-may kuni Fitsoga suiqasd qilindi. Bosh vazirga 71 yoshli muxolifatdagi yozuvchi Yuray Sintula bir necha bor o‘q uzgan. Shundan so‘ng Fitso ko‘krak qafasi va qorin bo‘shlig‘idagi jarohatlar bilan shifoxonaga olib ketilib, operatsiya qilingan.
Maʼlumotlariga ko‘ra, aybdor siyosiy maqsadlarda bo‘lgan va yolg‘iz harakat qilgan. U hukumatga qarshi namoyishlarda qatnashgan, ammo radikal guruhlar bilan aloqasi yo‘q. Erkak hukumat harakatlaridan norozi bo‘lib, Ukrainaga qurol-yarog‘ yetkazib berilishi tarafdori bo‘lgan. Unga 25 yillik qamoq jazosi berilishi kutilmoqda.
Izoh (0)