Ukraina Qurolli kuchlari 21-may kuni Lugansk viloyatidagi Rossiya nishonlariga uyushtirgan hujum oqibatida 8 kishi jarohatlangan. Bu haqda “TASS” nashri Rossiya Mudofaa vazirligiga asoslanib, xabar berdi.
Manbada aytilishicha, Ukraina kuchlari asosan Lugansk viloyatining Sverdlovsk shahrini nishonga olgan. Shaharning turli nuqtalariga seriyali havo hujumlari amalga oshirilgan.
Rossiya rasmiylari Sverdlovsk shahri kassetali o‘q-dorilar bilan jihozlangan ATACMS raketalari hujumiga uchraganini, hujumda dronlar ishlatilgani haqida dalillar topilganini bildirgan.
Donetsk viloyatining Rossiya tomonidan tayinlangan rahbari Leonid Pasechnik hujum oqibatida yo‘qotishlar haqida xabar bergan. Bir qancha sanoat binolari shikastlangani xabar qilingan.
“Ukraina Qurolli kuchlari Sverdlovskni o‘qqa tutishda AQSHda ishlab chiqarilgan kassetali o‘q-dorilar tashuvchi ATACMS raketalaridan foydalandi. Oqibatda sakkiz nafar fuqaro tan jarohati oldi, ularga barcha zarur tibbiy yordam ko‘rsatilmoqda”, — deb bayonot bergan Pasechnik.
20-may kuni Ukraina uyushtirgani xabar qilingan hujum oqibatida Sverdlovskdagi yoqilg‘i ombori portlab, yonib ketgan. Hozirda halokat oqibatlarini bartaraf etish ustida ish olib borayotgani xabar qilingan.
Izoh (0)