Sirdaryo va Navoiy viloyatlarida valyuta qimmatliklarini noqonuniy muomalaga kiritilishining oldi olindi, deb xabar beradi Bosh prokuratura huzuridagi departament.
Qayd etilishicha, departament hamda DXXning Sirdaryo viloyati boshqarmalari tomonidan Sirdaryo tumanida tezkor tadbir o‘tkazilgan. Tadbirda valyuta ayirboshlash bilan shug‘ullanib kelgan N.T. (muqaddam sudlangan) jami 4 ming dollarni fuqaro A.A.ga 50,8 million so‘mga sotgan vaqtida ashyoviy dalillar bilan ushlangan.
Xuddi shunday, departamentning Navoiy viloyat boshqarmasi tomonidan Navoiy shahrida o‘tkazilgan tezkor tadbirda valyuta ayirboshlash bilan shug‘ullanib kelgan A.U. va A.N. jami 3 ming dollarni fuqaro F.N.ga 38,1 so‘mga sotgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Avvalroq Andijon va Qashqadaryo viloyatlarida valyuta qimmatliklarini noqonuniy muomalaga kiritilishiga chek qo‘yilgani to‘g‘risida xabar berilgandi. Shuningdek, Toshkent shahri, Xorazm, Samarqand va Qashqadaryo viloyatlarida valyuta qimmatliklarini noqonuniy muomalaga kiritilishiga chek qo‘yilgan edi.
Izoh (0)